Det blir også leita etter smuglarvarer og andre teikn til kriminell verksemd, men alt tyder på at ei vesentleg målsetjing med politiaksjonen Operasjon Advent er å stansa folk som kan mistenkjast for å vera illegale innvandrarar. Politifolk frå alle politidistrikt i landet har instruks om å sjå etter mistenkjelege personar og mistenkjelege bilar. Politimeister Beate Gangås i Politidirektoratet forsikrar at Operasjon Advent ikkje skal komma i konflikt med folks rett til å reisa fritt mellom Schengen-land.