«America was born in the streets» er slagordet til Martin Scorseses siste film, den mykje forseinka Gangs of New York. Det er også ei presis oppsummering av filmografien hans sett under eitt, frå gjennombrotet Mean Streets, via høgdepunkt som Taxi Driver og Goodfellas til Bringing Out The Dead.Indre justis«Eg forventa aldri at filmane eg såg på kino skulle ha noko med meg sjølv å gjera,» har Scorsese sagt om sine tidlege filmopplevingar i New York på 1950-talet. Astma gjorde at mykje av barndommen vart brukt på stillesitjande kinobesøk. Scorsese er då også ein av dei filmhistorisk mest kunnige amerikanske regissørane og ein svært dyktig formidlar. Men trass i at han vart oppflaska på etterkrigseskapisme, utvikla han seg sjølv til ein av dei store samtidsskildrarane på lerretet, og han har engasjert og provosert med sine realistiske og ekspressive bilete av amerikansk storbyliv og -mentalitet.