– Dawkins og andre evolusjonsbiologar sin påstand om at evolusjonen baserer seg på at det er gena våre og ikkje vi som art som skal overleva, er ikkje kontroversielt mellom biologar lenger, seier Bjørn Grinde, biolog og forskingsleiar ved Folkehelseinstituttet til Klassekampen.|I evolusjonsbiologiklassikaren Det egoistiske genet, som nyleg har kome på norsk, skriv den britiske zoologen Richard Dawkins at gena ikkje er til for oss, men vi for dei. Med sitt perspektiv på livet sett frå cellekjernen, hevdar han at også menneska «er overlevelsesmaskiner – robotkjøretøyer som er programmert til å bevare de egoistiske molekylene kjent som gener».