Nada+ (Nada Mas, Cuba 2001)Regi og manus: Juan Carlos Cremata Malberti Med: Thais Valdés, Nacho Lugo, Daisy Granados, Paula Ali, Verónica López, Luis Manuel Iglesias Nasjonalitet:1 t. 30 min. «Should I stay or should I go» spurte det britiske punkbandet The Clash i si tid. Det er hovudproblemstillinga i Juan Carlos Cremata Malbertis regidebut også. Nada+ tar på eit humoristisk vis opp det spørsmålet som opptar svært mange Cubanarar: Bli på det fattige og politisk kontrollerte, men heimelge Cuba, eller freista lukka i det rike Miami – om ein kan koma seg dit då.Forledra til Carla har alt reist. Det høgste ønsket til den vaksne dottera er å følgja etter dei. Ho lever berre for sjansen til å bli valt ut i det årlege lotteriet for å få innreisepass til USA. Det er det ho dagdrøymer om medan ho monotont stemplar brev på det lokale postkontoret, der ho jobbar, under streng overvaking frå ei byråkratisk og politisk kontrollmotivert leiing. I ventetida byrjar Carla å lesa dei meir eller mindre desperate breva ho stemplar, og i staden for å senda dei til mottakarane, svarar ho sjølv på dei, noko som får uventa konsekvensar, også for Carlas reiseønske.