To heite debattar i det norske nyhendebiletet nett no: Otto Jespersens humor og Frps framgang. Kva vi ler av og kva vi blir opprørte av er to gode indikatorar på kva for samfunn vi lever i. Målt med desse verditakstametra skårar kynisme og privatisering av det offentlege rommet høgt. Difor er det trist, men ikkje anna enn å venta, at ein rettkomen debatt om hetshumoren i norsk fjernsyn sporar av i spørsmålet om støtte eller ikkje støtte til ein indignert statsminister som sjølv har valt å fokusera på privatsfæren heller enn politikken.