Ewa ­Sapieżyńska

Historien er nå. Om folkemordet i Gaza og motstand i dystre tider

Manifest forlag 2026, 110 sider

Gaza er ikkje lenger berre eit stadsnamn, men har blitt symbol for folkemord, apartheid og håplaus liding. Det er så vondt å tenkje på kva palestinarane blir utsette for at det er freistande å berre la vere. Med den vesle boka «Historien er nå. Om folkemordet i Gaza og motstand i dystre tider» oppfordrar Ewa Sapieżyńska til å motstå den impulsen. Ho oppsummerer godt den polariserte og moralsk forvirra stemninga denne humanitære katastrofen har skapt også i Europa, engasjementet hennar er overtydande og motiverande. Presentasjonen av eit filosofisk grunnlag for kjærleik som politisk kraft står ikkje like støtt.