Kim Hiorthøy

Slutten

Forlaget Oktober 2026, 236 sider

Når sjølvhjelpsbøker og mindfulness ikkje strekk til, må ein kanskje berre flytte vekk frå alt og alle. I Kim Hiorthøys nye roman «Slutten» går draumen om eit liv i takt med eige indre nesten i oppfylling. Den namnlause hovudpersonen går med ei konstant, lågspent smerte i magen, «som om jeg hadde spist en skarp stein eller en råtten frukt som ikke ville ut og i stedet drev og vokste seg til der inne». Smerta fører hovudpersonen til merkelege, mørke plassar, og plutseleg flytter vedkommande til ei nedlagt militærforlegning leia av Gardar, ein fjern kjenning frå studietida.