Pedro Carmona-­Alvarez

Rust sover aldri

Kolon Forlag 2025, 97 sider 

I «Rust sover aldri» lar Pedro Carmona-Alvarez personane frå romanen «Chiquitita» (2023) tre fram på scena for å bli avhøyrt i tre akter. «Har du sett døde mennesker?» spør karakteren som berre har namnet «Den som spør». «Det kan jeg ikke svare på», svarer Den middelaldrende kvinnen. Slike replikkvekslingar er det mange av, og dei legg det vonde som grunnkjensle i stykket – likevel forlèt ikkje Carmona-Alvarez oss i mørket. Skodespelet er skrive på oppdrag frå Den Nationale Scene i Bergen.