Kjersti Annesdatter Skomsvold

Hun er ­levende. Elises bok

Forlaget Oktober 2025, 170 sider

Kjersti er nybakt mor og mykje sjuk. Når ho ikkje får sove om natta, kjem oldemora Elise Skomsvold til henne, det kjennest så ekte at ho kan halde den gamle skrukkete damehanda i si. Slik byrjar prosjektet med å gjere formora levande: Forfattaren inviterer oss inn i slektsforskinga si, og vi følger det ganske sannferdig skisserte mennesket frå barndom til død. Bokas prosjekt er å finne ut kven Elise var: tok ho avgjersler basert på veret, var ho glad for å leve? Gjorde ho nokon gang eit forsøk på å bli kvitt barna ho bar inni seg?