Chimamanda Ngozi Adichie

Drømme­regnskap

Omsett av Hilde Stubhaug Gyldendal 2025, 415 sider

Chimamanda Ngozi Adichie (f. 1977), som besøkte Litteraturhuset i Oslo tidlegare denne veka, kjem frå ein katolsk familie i Nigerias øvre middelklasse og er både intellektuell og velståande. Då ho som 19-åring begynte på utdanninga i USA, merka ho raskt at det ikkje var dette studiekameratane venta av ei afrikansk kvinne. I dei populære TED talk-foredraga «The Danger of a Single Story» (2009) og «Why We Should All Be Feminists» (2012), som har bidratt sterkt til å gjere henne internasjonalt kjent også utanfor litterære kretsar, set ho ord på kvifor det er problematisk å halde seg med sterkt forenkla forteljingar om så omfattande kategoriar som «kvinner» eller «afrikanarar».