Kva i all verda er dette? Kan det vere første Side Brok-plate på tolv år? Ja, det kan det visst. «All verda» er «eit felles album, eller ein dobbel ep», ifølgje presseskrivet, der Side Brok og Sirkel Sag har fem songar kvar. Hovdebygdas hottaste rapduo gjer dette her så lenge det er kjekt / og så plutseleg ein dag så er me berre vekk. Enn så lenge synest dei tydelegvis det er kjekt, så det er berre å notere seg haustens konsertar i Oslo og Bergen og Ørsta og Voss (sånn cirka). På «All verda» har dei dessutan fått med seg gjestevokalistane Stein Torleif Bjella, Joddski og med-ørsting Egil Olsen.