Anne Oterholm opnar ein spegelsal av eit tolkingsrom.
Merete Røsvik
Konsistens: Romanen «Avdrift» av Anne Oterholm er den ellevte i ei rekke romanar for vaksne.
Avdrift
Anne Oterholm
Gyldendal 2025, 217 sider
Anne Oterholms roman «Avdrift» portretterer ein rik, men einsam og sømnlaus mann i eit stort, tomt hus – Ståle frå Lillestrøm har gjort lukke som forretningsmann i Austin, Texas og tatt namnet Steve. Når eg les meg inn i tankeverda til førstepersonsforteljaren, slår det meg at det tomme huset kan symbolisere han som menneske. Orda hans lyser berre opp eit lite kott av medvit, dei andre romma ligg i mørket, også for han sjølv. Å forstå historia hans blir som å legge eit puslespel av mange, bittesmå brikker, berre for å oppdage at brikkene som manglar, betyr mest.
