Laurdag 15. februar blir journalisten og venstresideaktivisten Berit Morland 80 år. Ho har bak seg eit mangfaldig yrkesliv og innsats på barrikadane og har særleg sett spor som ein meister i kunsten det er å rapportere levande og innsiktsfullt frå ulike arbeidsplassar. Dette kom i mange år Klassekampens lesarar og deretter fagrørsla til gode. Ho reindyrka arbeidsplassreportasje som sjanger betre enn nokon i norsk presse, som eg skreiv i boka om Klassekampens historie (2011).