Dei hadde vore dyktige båtbyggjarar i generasjonar, folka på Negarden inst i fjorden. Oldefar Halldor var vidgjeten. Store, smekre og framifrå sjøbåtar, egna til fiske i ein fjord som ikkje alltid var like grei. No kvilte Halldor under ein stein på kyrkjegarden. Båtane hans kvilte på havbotnen eller bortgøymde i fjæra. Oldebarnet Hallstein sat ofte på fanget til besten, som fortalde om far sin som tryIla fram vakre farkostar. Guten ville bli båtbyggjar når han blei vaksen!