Det er ikkje spesielt subtilt gjort: Eiffeltårnet, filma i froskeperspektiv, tårnar over oss allereie i fyrste scene. Som sjåar veit du kva dette betyr: Prinsesse Diana skal døy. Året er 1997, det er mørkt, gatelysa speglar seg i dei regnvåte gatene. Ein hundeluftar høyrer sirener, han ser bilar i vill fart ned i ein tunnel, han ringer naudnummeret. Skal det verkeleg skje så fort?