Medietilsynet har gjeve TV 2 åtvaring for å ha sett for låge aldersgrenser på fleire filmar og program. VGTV, Dagbladet og støymetenesta til Se og Hør, seher.no, får kvar si åtvaring for ikkje å ha sett aldersgrenser i det heile på program dei etter reglane skulle ha sett aldersgrenser på. Det er første gongen Medietilsynet sanksjonerer brot på reglane om aldersgrenser i biletprogramlova etter at lova tok til å gjelda i 2015. Hanne Nistad Sekkelsten i Medietilsynet seier i ei pressemelding at tilsynet «fleire gonger [har] vore i dialog med TV 2 om feil merking av aldersgrenser». VGTV, Dagbladet og Se & Hør får åtvaring fordi dei ikkje har merkt eller sett aldersgrenser på ein systematisk måte på programma sine. GK