FLÅTTBIT: Så langt i år har 144 personar fått påvist borreliose etter å ha vorte bite av flått. I fjor var det 170 personar som hadde fått påvist borreliose på denne tida av året, ifølgje MSIS. Men det var ein flåttsesong med svært mange tilfelle. Dei fem siste åra har i gjennomsnitt 143 personar fått påvist borreliose på denne tida. 98 prosent av flåttbita skjer utan at folk blir sjuke. Så lenge flåtten blir fjerna raskt, er det ikkje farleg å bli biten, ifølgje leiaren for Flåttsenteret ved Sørlandet sjukehus, Randi Eikeland, til P4. – Ta den bort, berre rett av med neglene. Og ta ein flåttsjekk kvar dag, det er nesten det viktigaste, seier ho.©NPK