PROGNOSE: Auka renter og høg prisstigning gjer at Nav reknar med at arbeidsløysa vil byrje å auke igjen frå hausten av og inn i neste år.

Men auken blir ikkje stor, og arbeidsløysa vil framleis halde seg på eit lågt nivå, viser Navs nye arbeidsmarknadsprognose. To år etter at pandemien trefte oss, er situasjonen på arbeidsmarknaden no snudd heilt om. Frå rekordhøg arbeidsløyse våren 2020 har vi no den lågaste arbeidsløysa sidan 2008, høg sysselsetjing og stor mangel på arbeidskraft.