Ved nyttår vart eg del av noko stort. Eg les på den nye fylkeskommunen si heimeside at no er me større enn Danmark. I førre veke var eg på samling i lag med omkring 150 gamle og nye medarbeidarar. Mange av oss hadde nye sekkar. Eg trur alle tilsette har fått nye sekkar. Fine sekkar. Grå sekkar. Passe store til å ha ei berbar datamaskin oppi, med ei leidning sydd inn i stoffet. Eg trur det er meininga å ta med ekstra strøm på bank for å halde liv i datamaskina og telefonen. Det fekk meg til å tru at no må me vera budd på lange reiser i arbeid for fylkeskommunen.