Foreningen Norden har feira sine hundre år. Eg skreiv om Norden i juli, og Norden fortener eit streif i desember òg. Me startar på Grønland. Inuitt, ‘menneske’, er ordet, ikkje eskimo, ‘råkjøt-etar’, som var eit ord indianarar i Canada nytta. Franskmenn tok det med til Europa på 1600-talet. (At ei gruppe kallar seg menneske, er ikkje uvanleg. Eit nærliggjande døme er Tyskland, eigentleg Tydskland, der det norrøne tjód, ‘folk’, ligg inne.) Eirik Raude sin norrøne busetnad på Grønland varte frå 900-talet til rundt 1400. Namna Lysefjorden og Sandnes på Vest-Grønland styrkjer opplysninga om at han kom frå Jæren. Velkjende lån frå grønlandsk er kajakk, anorakk, iglo.

Sylfest Lomheim skriv om språk i Klassekampen kvar onsdag.