Helge Simonnes

Kampen om korset i politikken

Litteratur

Vigmostad & Bjørke 2019, 269 sider

Etter 25 år som sjefredaktør i avisa Vårt Land veit Helge Simonnes meir enn dei fleste om kva som rører seg i det såkalla «kristenfolket». Det er ei gruppe med store interne forskjellar og motsetnadar, den famnar både liberale teologar, tradisjonstru kyrkjegjengarar, karismatiske frikyrkjer og blodkonservative bedehusmiljø. Forskjellane er både teologiske og kulturelle, men sams for dei to siste gruppene, er at dei får impulsar frå konservative miljø i USA. Der tenkjer ein annleis om samanblanding av politikk og religion enn vi har hatt tradisjon for i Noreg.