Cruiseturismen skyt fart til hamner i små bygder på Vestlandet, større byar og velkjende reisemål. Folk vil til fredelege Noreg i eit Europa der mål som Barcelona, Dubrovnik og Venezia vert oversvauma av turistar – ikkje minst frå cruiseskip, store som byar langs kysten. Bergen og Stavanger sukkar over turistflaumen. Det er ikkje lenger berre stas med dei tilreisande. Dei som kjem med dei flytande hotella et frokost, lunsj og middag ombord.