Då innbyggjarane i trivelege Solby skal velje ny borgarmeister, står valet mellom den sitjande borgarmeisteren, den godslege Jeronimus B. (Kim Haugen) og utfordraren Kvist (Paal Viken Bakke). Kvist er ein raudmussa, sint mann i grå dress og raudt slips med viltert gult hår. Ein kan byrje å lure på om Jacob Martin Strid alt i 2011 lukkast med å spå den noverande politiske situasjonen i USA, for likskapen mellom Kvist og den sitjande presidenten er slåande.