Forfattar Lars Ove Seljestad er nominert til LOs kulturpris for sin innsats for arbeidarrørsla i Odda. Seljestad har skildra arbeidsfolks kvardagsliv i ei rekkje bøker, mellom anna i diktsamlinga «Storspring. Fabrikkdikt» (2013). Eit viktig argument for Seljestads nominasjon er likevel hans medverknad for å etablere og utvikle Jernrosa Politiske Litteraturfestival i Odda, der arbeidarlitteratur, industrihistorie og industrikultur står sentralt. LOs kulturpris er på 100.000 kroner.