Namnet var program som knytte den nye avisa til større formål enn idéforkynning. Då eg sommaren 1969 hadde nokre eksemplar med til Nedstrand i Ryfylke, sa tømmermålar og gardbrukar Harald P. Kvam at den avisa kjende han godt. – Klassekampen kjøpte eg på gata den tida i eg arbeidde på reiparbanen i Stavanger i 1920-åra. Det var avisa til det revolusjonære Sosialistisk Ungdomsforbund. At Klassekampen kom ut på nytt tykte han var stas, og fortalde om torgmøte der Egede Nissen og andre hadde sterke parolar og appellar.