Harald Stabell døydde laurdag, og sorg og sjokk spreidde seg då dødsfallet vart kjent dagen etter. Sorg over tapet av ein advokat i toppklassen med særleg blikk for dei svake, ein oppofrande kamerat, eit varmt medmenneske. Sjokk fordi Harald var den sprekaste 71-åringen vi kjente, han ville fylt 72 rett over nyttår. Berre dei næraste visste at han var råka av ei aggressiv kreftform som braut han ned på få veker.