Gunstein Bakke

Håndbok

Litteratur

Forlaget Oktober 2018, 54 sider

Gunstein Bakke går så tett på det konkrete at han nærmar seg filosofien. I romanen «Maud og Aud. Ein roman om trafikk» (2011) gav han eit friskt blikk på den stadig tynnare grensa mellom menneske og maskin og, i «Havende» (2016), skiljet mellom menneske og dyr. I diktsamlinga «Bok av tre» (2012) fann vi tre i motiv, fotografi og – sjølvsagt – i materialet til boksidene. «Håndbok» – ein annan handfast tittel, sjølv om innhaldet ikkje har karakter av manual – ser ut til å ha vakse opp av eit rotskot frå «Bok av tre». I alle fall teiknar første dikt opp eit tre med solid stamme og «en skjelvende, flyktig skikkelse / med hjertet i fingrene». Dermed er vi over i alt hendene kan representere.