Gunnar Wærness

Venn med alle

Litteratur

Forlaget Oktober 2018, 109 sider

Gunnar Wærness sin forfattarskap følger fleire spor. I den nye diktsamlinga si, «Venn med alle», vender han tilbake til det gammaltestamentlege. Men det er bare i nokre få dikt heilt i opninga at bibelreferansane kjem tett. For det Wærness er ute etter, er ikkje å fortella Bibelen på ny med andre ord. Det er i staden, heilt tydeleg, ei meir allmenn interesse for den visjonært sjåande som ligg bak denne utgjevinga. Såleis skapar forfattaren bilete som illustrerer det som ligg utanfor alt, eksistensens grenser, men på ein måte sjølv hjartegode heidningar som underteikna kan følga med på.