Fellesforbundet seier oppmjukinga av ordninga med mellombelse tilsettingar vert misbrukt:
UTBYTTING: Dei får ikkje helgedagstillegg, overtid, sjukepengane dei har krav på eller tilbod om fast arbeid. Slik handsamar verksemder i Hordaland mellombelse tilsette.
I 2015 vart arbeidsmiljølova endra slik at arbeidsgjevarar i større grad kunne tilsette arbeidstakarar i mellombelse stillingar. Oppmjukinga skulle ifølgje regjeringa «lette adgangen til arbeidsmarkedet for personer som tilhører grupper hvor arbeidsgiver kan oppleve at det er risiko knyttet til ansettelsen». Det skulle ikkje vere ei mykje brukt tilsettingsform, men var meint å vere «eit springbrett inn i arbeidslivet».
