Scenerommet er tomt, men ikkje heilt tomt. Trass i at det er dei svarte scenemattene, veggene og bakteppet – altså ein black box i nøytralt scenemodus – som dominerer rommet, er det dei tre radene med lyskolbar som ligg i horisontale parallelle linjer framfor oss på scena, som tiltrekker seg merksemda. Lengda på kolbane blir kortare innover i scenerommet, slik at dei til saman teiknar ein trapes utan sidelinjer. På bakteppet er det ein svak lysformasjon i vaginal form. Ikkje prangande, og kanskje berre lys, men likevel, assosiasjonen er der.