Eg er alltid ein smule oppglødd når eg er på veg til ein loppemarknad. Ein må vite kva ein ser etter og ein må vere tidleg ute. Eg er særs målretta. Kjem eg til å finna bøker frå Den gule serie, den fantastiske romanserien Sigurd Hoel redigerte frå 1929 til 1959, med det opphavlege smussomslaget? Eller er eg så heldig at eg finn ei pissepotte i porselen som kan komplettere den vakre samlinga mi? Eg kjem òg alltid heim med eit eller anna bilete, anten eit måleri eller trykk av eit eller anna slag.