•Snøen har lagt seg ved Storskog i Finnmark, og i dagane framover er det meldt ned mot ni minusgrader i Sør-Varanger. Det er kaldt for flyktningane som syklar det siste stykket mot den norsk-russiske grensa. Grensa er enn så lenge open, men flyktningane har ingen grunn til å vente ei varm mottaking i Norge. Dei siste dagane har politikarar kappast om innstrammingar i flyktningpolitikk, og MDGs Rasmus Hansson meiner at det skjer «et kappløp for å gjøre livet surest mulig for asylsøkere». I går viste ei meiningsmåling at 65 prosent av veljarane vil ha strengare asylreglar.