Sidan 1978 har Landssamanslutninga av vasskraftkommunar (LVK) forsvart kraftskatteordninga (sjå faktaboks) mot åtak frå statsforvaltninga, kraftverkseigarar og deler av Kommune-Norge som meiner kraftkommunane har det for godt. No ber LVK kommunar som avviser samanslåing om å grunngje dette med betre argument enn at dei vil ha kraftinntektene for seg sjølve. Dei bør heller ikkje la seg freiste til å «svi av» kraftpengar før det kommunale singellivet eventuelt tek slutt.