•Justisminister Anders Anundsen var ein gong ein mann med store ord og utestemme. Som leiar av justiskomiteen i førre periode stod han bak den skarpaste og mest høgrøysta kritikken mot regjeringa og statsministeren. Anundsen trua med å reise mistillitsforslag mot Jens Stoltenberg etter at terroren ramma nettopp statsministerens kontor og Arbeidarpartiet 22. juli. Frp-politikaren meinte at det var statsministeren personleg som måtte bera ansvaret for den dårlege beredskapen, og han spurde om Stoltenberg ved å bli sittande sette sine eigne framfor nasjonens interesser.