Skifte
- Sorry, men eg er redd du må presse deg gjennom nok ei spalte om nedlegginga av Tronsmo. For Oslos beste og viktigaste bokhandel skal leggjast ned. Sjølvsagt skal han det. Vi som bur i denne byen, veit utmerkt godt korleis dette arbeidet skal skje. «Nei!», skal vi rope i kor, «no forsvinn siste rest av sjela denne byen ein gong hadde!». Kanskje auser vi oss opp og seier ting som «skal alltid kapitalen vinne over fornufta», sjølv om vi veit svaret allereie. Vi lever jo i kapitalismen, trass alt. Så kjem gravemaskinene: Dei opnar dei digre kjeftane sine og et opp alt saman. Vi hugsar kor sinte vi blei då den gamle Holmenkollbakken skulle plukkast ned. I staden fekk vi eit betonguhyre forma som ei kvinne i fødselsrier. Vi har enno ikkje tilgjeve oss sjølve at vi lét Det engelske kvartal deise i bakken for Indeks-bygningens skuld. Og snart skal Y-blokka i regjeringskvartalet knele. Kvifor skulle ein liksom ta vare på ein Picasso- og Nesjar-pryda bygning som ikkje har sitt like i Noreg?
Du må være abonnent for å lese denne artikkelen
Allerede abonnent? Logg inn
