Ein periode såg eg veldig mange sesongar av den amerikanske komiserien «Parks and Recreation» på rappen. Det fungerte fint heilt til ein morgon eg såg meg sjølv i spegelen og fekk eit aldri så lite sjokk. For der eg venta å sjå mitt eige til no feminiserte ansikt lyse mot meg, såg eg no kor snarlik eg er eine karakteren frå serien, Ron Swanson. Dei som er kjende med det engelske språket vil vite at namnet Ron i dei aller fleste tilfelle høyrer til ein mann.