•Det verkar i kroppen og smertar i hjertet til Kristeleg Folkeparti om dagen. KrF-leiar Knut Arild Hareide vitna om kor vanskeleg det politiske livet er da han tala til landsstyret i partiet laurdag. Sjølvsagt gjer det vondt for kristenfolket når den blåblå regjeringa bryt bodet om å halde kviledagen heilag og rett og slett vil avvikle søndagen slik vi kjenner han. Da har vi ei regjering som er mindre opptatt av å tene Gud enn Mammon. No går Hareide i kompaniskap med kyrkja, fagrørsla og miljøvernarane i kampen mot søndagsopne butikkar. Ifølge NTB fekk han spontan og lang trampeklapp i landsstyret sitt da han i helga varsla at KrF vil kjempe mot søndagshandel med alle tilgjengelege politiske verkemiddel.