Lille Chicago var eit velkjend omgrep på finnmarkskysten etter den andre verdskrigen. Avisa Nordlys fortalde 25. august 1958 på fyrstesida om eit to timer langt slagsmål i sentrum av Honningsvåg. Ja, det var reine wild-west-stemninga då ei rekkje unggutar frå staden og tilreisande fiskarar baska saman i eit skikkeleg slagsmål. Meir enn eit snes personar dengde laus på kvarandre. «Slåsskjempene rullet i sleip og glatt søle. I mer enn to timer varte slagsmålet» fortel avisa. Då såg politiet det naudsynleg å rykka ut slik at kamphanane vart skilde. Blodet flaut nok også, tenner vart slegne ut, så det gjekk verkeleg gildt for seg. Ein av politifolka skal etter opphaldet på 71 nord ha fått nok, og reiste til Australia for å få det heile på avstand.