* Mykje kan seiast om Petter Stordalen, men han har iallfall lært noko om pr og merkevarebygging. Han får god hjelp av pressa. I går kunne Aftenposten fortelja at satsing på samfunnsansvar er årsaka til ein dramatisk nedgang i sjukefråværet i Choice-kjeda. Det har fått Choice til å sponsa eit Unicef-prosjekt i Malawi med ein million kroner. Dette blir så brukt til å motivera dei tilsette for trening og sunt liv, og redusert sjukefråvær har ført til over 50 millionar kroner spart. At ein kapitalist ønskjer positiv omtale, er ikkje nytt. At ein kapitalist bruker litt av overskottet til eit godt føremål, er ikkje gale.