* SVs administrasjonsminister Heidi Grande Røys er ein politisk doldis («ukjend person i viktig stilling»), langt inn i sitt eige parti. Ho hadde typisk nok ingen programpost på konferansen Verden til venstre, som den einaste av SVs statsrådar. Men no sit Grande Røys med hovudansvaret for ei tikkande bombe - tariffoppgjeret i offentleg sektor. Det er som vanleg stor avstand og tradisjonell retorikk, men oppgjeret gjeld meir enn kroner. Det står viktige fordelingsprinsipp på spel. Spørsmålet er om fargen på regjeringa gjer skilnad for staten som arbeidsgjevar. Om svaret er nei, ser vi nok eit døme på at politikken abdiserer for byråkratiet.