– Dersom Statens pensjonskasse skal ut på konkurransemarknaden, kan det føra til pensjonsdumping for statstilsette, seier NTL-leiar Turid Lilleheie.

Som Klassekampen skreiv laurdag, ønskjer NSB-tilsette pensjonstilbod frå Statens pensjonskasse (SPK) som er billegare for arbeidsgivar enn det SPK tilbyr i dag. Turid Lilleheie, leiar i Norsk Tjenestemannslag (NTL), er redd ei utvikling av slike tilbod kan få negative følgjer for dei som i dag har sine pensjonsrettar fastsett i lova om SPK.