«Flyktningminister» Erna Solberg og hennar regjering med KrF og Venstre som medansvarlege har fått mykje kritikk for ikkje å lytta til FN sine råd om kva land det er forsvarleg å returnera asylsøkjarar til. Dei særnorske vurderingane nådde eit førebels høgdepunkt ved at regjeringa vil tvangsreturna 400 somaliske flyktningar i strid med FN sine råd. Så seint som 9.august skreiv FN sin høgkommissær for flyktningar (UNHCR) brev til den norske regjeringa, der det vart uttrykt uro for signal om utsending av ei større gruppe somaliarar frå Noreg. Eitt av spørsmåla i Flyktninghjelpen sin politikardebatt i går var om dette vil bli annleis om ei raud-grønn regjering kjem til makta.