Klassekampen plasserer seg nært opp til ei reaksjonær høgreside i sitt forsvar for folket, hevdar minoritetsforskaren Randi Gressgård i eit debattinnlegg i Dagbladet sist laurdag. Ho ressonerer slik: «I europeisk samanheng er det tidlegare så markerte skiljet mellom høgre og venstre i politikken langt på veg erstatta av skiljet mellom folket og eliten. Båe sider etterlyser meir demokrati, men har diamentralt ulik forståing av kva dette er: Det eine synet er tufta på ei forståing av folket som ein nasjonal, identitetsbasert felleskap (etnos). Det andre hevdar at demokratiet må lausrivast frå nasjonale fellesskap, og istaden bli forankra i folket som politisk kategori (demos).»