Utdannings- og forskningsdepartementet baud 8. juni inn til fagseminar på Voksenåsen. Høvet var lansering av tobandsverket om norsk-svensk historie 1814-2000, som regjeringane i dei to landa tok initiativ til. Verket får ein slags status som offisiell historieskriving, også ved det at det no vert gratis distribuert til skulane og andre instansar. Manuskriptet er resultat av ti årsverk, og er forfatta av to særleg framståande historikarar, professorane Francis Sejersted og Bo Stråth. Den halvoffisielle karakteren til verket gjer det særleg aktuelt å leggje merke til politisk sentrale synsmåtar der.