Millom alle lambi som kom til verdi her hjå oss no i vår, var det eit med ubrukelege frambein. Eg kneip det i klauvrandi på båe frambeini, og i armane på kjeringi sprisla lambet med bakbeini og slo med hovudet og skreik. Altso var det nervor i frambeini radt ned endå dei hekk og dingla som tvo reipstumpar. Difor avgjorde me at me vilde prøve lambet nokre dagar, um det tendest liv i frambeini, so det ikkje turvde avlivast.