På Haukeland sykehus i Bergen kan tilsette risikera å få vakter som varer frå kl 23.30 til 01.20 eller frå kl 04.00 til 06.30. Dei har anka saka til Direktoratet for arbeidstilsynet. Fordi det ikkje har blitt semje om ei ny ordning, har Helse Bergen valt å innføra ei bokstaveleg tolking av arbeidsmiljølova med akkurat 35,5 timar i veka for kvar tilsett, i staden for gjennomsnittsrekning av arbeidstida over ein lengre periode, som tidlegare har vore det vanlege. Resultatet er mellom anna vakter som både kan begynna og slutta midt på natta. Den turnusordninga sjukehusleiinga har ønskt å innføra, ville ifølgje dei tilsette føra til tap av både fritid og opparbeidde rettar, mellom anna kompensasjon for helgearbeid.