I dag er språk eit meir aktuelt emne enn på lenge, både på grunn av globaliseringa og den stadige svekkinga av nynorsken som skulemål. Likevel er språk eit ikkje-tema i norsk politikk, og vårens programhandsaming syner kor upresise og lite reflekterte dei fleste partia er på dette området. Når språket, som utgjer ein så viktig del av kulturen og identiteten vår, blir ein salderingspost i det politiske ordskiftet, vitnar det om manglande evne til å tolke dei språklege strøymingane i tida.