– Ein forstår ikkje det tredje riket, om ein ikkje ser det som den største plyndrarstaten i moderne historie, sa den tyske historikaren Götz Aly til Klassekampen i førre veke. I si siste bok «Hitlers Volksstaat» hevdar Aly at 95 prosent av det tyske folket tente på naziplyndringane, og at dette er forklaringa på den massive oppslutnaden om Hitler-regimet heilt inn i våren 1945.Historikarane Einhart Lorenz og Øystein Sørensen har gjeve støtte til denne tesen i Klassekampen. Men nazismekjennar og litteraturvitar Jon Langdal er ikkje overtydd:– Denne tesen ser på tyskarane som styrte av umiddelbare brødpolitiske omsyn. Aly undervurderer den nazistiske ideologien, viljen til å erobre land og det generelle ynskjet om ro og orden, seier Langdal.