1. juni i år skal den tredje granskingskommisjonen etter Mehamn-ulykka 11. mars 1982 vera ferdig med arbeidet sitt. Som det siste av om lag 200 vitne forklarte tidlegare NRK-journalist Bjørn Nilsen seg for kommisjonen i går. Nilsen har som journalist gjort eit omfattande arbeid med å dokumentera fakta kring ulykka der eit Widerøe-fly på «uforklarleg» vis havarerte, og 15 menneske mista livet. Under høyringa i går kom det fram at kommisjonen har vore i kontakt med NRK for å få tilgang til materiale frå Nilsen sitt arbeid, men at dette har blitt nekta. Dette avslaget har kommisjonen klaga inn for kulturminister Valgerd Svarstad Haugland, men også der var svaret nei, ifølgje kommisjonsleiar Gaute Gregusson.