Erland Solberg går i fyrste klasse ved Ullern vidaregåande skule i Oslo. Han hugsar det godt. Det var ein sommardag. Og det vart straks ein ekstra god sommar for Erland den dagen han høyrde på radioen at det endeleg var klart: Sju vidaregåande skuler i Oslo skulle ha ei forsøksordning med frivillig skriftleg sidemål. Endå gladare vart Erland og klassekameratane Helle Kjos Brask og Glenn Simonsen då det vart klart at Ullern var mellom dei sju utvalde skulane.